PROVERBI FRIULANI

- Dulà ch'e sta une bocjade di pan 'e pò stâ ancje une peraule .

- Si sa come che si nàs ma no come si mûr .

- Cui ch'al cjamine cui zuèz al impare a zueteâ .

- Dulà che il cûr al tire , lis gjambis a' puàrtin .

- Pan e gaban al è bon dutelan .

- Bisugne là a durmî senze fâssal dî e jevâ senze fâsi clamâ .

- Il fun  al va a riviel , al va dongje dal plui biel .

- Cui che nol à dûl des bèstiis , no 'nd' à nancje dai cristians .

- Il prin ton a soreli jevât , cjôl il sac e va al marcjât .

- S'al plûf Vinars Sant , la tiere no je mai sazie .

- Quant ch'al cjante il cuc , une dì ploe e une dì sut .

- La necessitât ‘ e fâs l’omp mestri .

- La necessitât ‘ e fâs l’omp ingegnôs .

- La necessitât ‘ e insegne a lavorâ .

- La miserie ‘ e je une grande scuele .

- Mai no si scomenze e mai no si finìs .

- Pense prime par no pentìti dopo .

- Bisugne vê par cui che no ‘nd’ à .

- Se la massàrie ‘e je mate , no stâ a daj la colpe ‘e gjate .

- ‘ E vâl plui la pratiche che la gramatiche .

- I umign a’ fâsin la robe , ma la robe no fâs i umign .

- La trope umiltât ‘e spuzze di supierbie .

- Vuardìnsi dal capitâl de miserie .

- Un biel tasê nol fo mai scrit .

- Prin di dî mâl dai altris cjale te stes .

- Il “ dissimulâ “ al sapulis tropis ofesis .

- L’insult al è di cui che lu fâs e no di cui che lu ricêf .

- I biei si fàsin simpri preâ .

- Fortune in amôr ‘e puarte sfortune al ‘ zûc .

- Duc’ i grops a’ vegnin al pietin .

- La robe dal Comun ‘e je di duc’ e di nissun .

- Cui ch’al gambìe paîs al gambìe custum .

- Tant vâl pete cu dàj .

- L’aghe e il fûc a’ stan in pôc lûc .

- Se ‘zenâr nol ‘zenâre e fevrâr nol fevrâre ,marz mâl al fâs e mâl al pense .

- An di nêf an di ben .

- No si pò , senze pinsîrs  educâ ben i cavalîrs .

- Par cognossi il biel bisugne viodi il brut .

- Cui ch’al è strac nol sint i pulz .

- Aghe e pan , mangjâ di cjan .

- Amôr nol domande ni pan ni polente .

- Ogni sîmil al ame il so sîmil .

- Par une dì di ligrie s’a ’nd’ à cent di malincunie .

- Cui ch’al à buine volontât al cjate dafâ pardut .

- Par fâ bisugne scomenzâ .

- Pense vuê par doman .

- Une peraule di ben ’e juste une malegrazie mâl fate .

- Vivint s’impare a vivi .

- L’abitudin ’e je une seconde nature .

- Fâ , savê fâ e dâle ad intindi ’a son lis tre colonis dal mont .

- Atindi , intindi e no spindi .

- L’om senze bêz al è un muart ch’al cjamine .

- Al ûl savê une cjarte dopo dal cjarton .

- In câs di necessitât ancje il lôf al mangje moscjs .

- Prime di dî une peraule , bisugne bati l’ale come il gjal .

- Conte i tiei botons e po’ tu contarâs i miei .

- Cui che nol sa finzi nol sa regnâ .

- Une peraule ben dite ‘e juste une malegrazie mâl fate .

- Fin al ‘zenoli ogni voli , e dal ‘zenoli in sù nome jo e tu .

- Cui ch’al è fortunât in amôr , nol ‘zui di cjartis .

- Cui ch’al nàs mus al crepe pandolo .

- Pecjât vieri e penitenze gnove .

- No si à di fâ caritât cu la robe dal Comun .

- Cui ch’al sta ben che nol si movi .

- A bruzâ lens verz si fâs fum e no fûc .

- Pasche Tafànie , il frêt al va in smànie .

- Il prin ton a soreli a mont , cjôl il sac e va pal mont .

- S’al plûf il dì di San Zorz ( 23/04 ) il cavalîr al va te cort .

- Nol è biel ce ch’al è biel , al è biel ce ch’al plâs .

- Il miôr cussin ‘e je la cussienze nete .

- Cui ch’al refùde pan al è piês di un cjan .

- Amôr nol è polente ni brût di verzis .

- Mus e musse prest s’intindin .

- No bisugne lamentâsi dal brût gras .

- Cui ch’al à buine voe di lavorâ al è plui siôr di cui ch’al à sîs cjamps di arâ .

- Ogni dì e passe une ‘zornade .

- No bisugne cjoli une gjate tun sac .

- Cui ch’al nàs imbezzil al crepe pandolo .

- Cui ch’al à il nâs lunc lis nase a la lontane .

- Nissun plui sort di cui che nol ûl sintî .

- In chê dì che si pae un debit si vierz un credit .

- Disordin in ‘zoventût , stentâ in vecjae .

- Cui la fâs , cui la disfe e cui la cjate fate .

- Signôr nus vuardi dai invidiôs .

- A’ muerin simpri i plui bogn .

- No bisugne cjapâ dutis lis moscjs ch’a svòlin .

- Prejere di mus no va in paradîs .

- Cui che plui cjacàre , mancul fâs .

- Dai amîs mi vuardi jo , dai nemîs mi vuardi Gjò .

- Come chel dai salams , par ordin ch’a vegnin-sù .

- Cui ch’al à inventât la cjarte nol à savût dismètile .

- Bisugne pensâ prime par no pintîsi dopo .

- Nissun plui nemì dal om che l’om istes .

- Ogni ucel al cîr il so nît .

- Dulà ch’al sta Pieri nol sta Pauli .