Links Brasile
Links Italia |
Me
Mari Gjenoefe
Trente angns é son
passâs
di che dì che duc' ti vin compagnade
tal to ultin toc di strade .
Tite muini el sunave che
cjampane
le faseve lui vaî
il so "don" tant dolorôs
si spandeve dut intôr
che a duc' 'l cûr ingropave ,
masse zovine cul Signôr tu sês lade
tu âs lassade che corone
grande di frus tant disperâs .
E cussì j`jò ti ricuardi
dal prin dì che i miei vôi ti àn viodude
i vôi scûrs t'incurnisavin
il biel ovâl de to muse ,
simpri in eterne gravidanze
cul gurmâl di casmîr neri
mai ti ai viodude piturade
mai rizotade ,
ti ài viodude dome a lavorâ .
Plene di fuarze e
coragjiose
cuant che il pai el masinave
e la gjambe si è tajade
e tant timp l'è stât in ospedâl .
Pai frus é viodevin les tôs sûrs
e tu tu às cjapât il mul pa brene
e montade sul scjalâr
e cul cjâr vie a cjariâ
le farine di masinâ .
Come plumis i sacs tu alzavis
par che i frus e vesìn di mangjâ .
Tu mi contavis ch'o soi nassude
su pes scjalis in che dì ,
un grant tenporâl
tu às scugnût meti a solet les bestis
e siarâ strent par dut .
Tu tu vevis tante fede
no tu levis tant a messe
le zornade sacrificade
e àre dute une prejere .
Quànt che dal barcon 'o
soi colade
tajât il cjâf in te muele
e lì in te aghe feride grave ,
in tal braz tu mi às cjapade
e urlant il to dolôr
tu strengevis dongje il cûr
chel cuarpùt
grondant di sanc
inzenoglade devant al quadri
de Madone di Mont
jé la grazie ti à dade .
Tu tu aris gjenerose
a duc' farine e un toc di pan tu às dât .
Tu tu aris diplomatiche
tante int tu às salvade
partigjans , ebreos a durmî sul toglât .
|
Dignitôse tu fasevis vê di te
rispiet ancje dai todescs ,
mai lì nol é sucedut nje ,
tu i vôi no tu às sbassât
cun fierezze e onestât
tu ju às cjalâs ,
e di te si son fidâs .
Le to bocje soridint
ti rindeve tant socievule ,
tu tu vevis l'esperienze
tu tu vevis le sapienze .
Nassude in Brasîl
di lidrie furlane
pizule tornade te to tiare ,
e di gnûf te prime guere
tu às scugnût partî ,
sfolade in Sicilie a Messine
ospite di un avocàt ,
e lì tantis robis che tu às imparâdis !
Cui che ti à cognossude
si è sintût onorât
e par simpri tal cûr ti a puartade .
A mè tantis robis tu mi às insegnadis
che te vite mi àn servût ,
l'amôr che tu mi às dât ,
ancje se in tredis tocs spartît
par me e l'è stât grant .
Quant che i toi vôi
é àn piardude ogni lûs
e par sinpri si son siarâs
ti invocavi tal gnò sium ,
'o volevi tornà frute
che tu mi tegnis pa manute
e dal bas cjalati i vôi
e sintî il to cjalt amôr
che mi passi chel grant dolôr .
Ta che cjase che insieme o' vin vivût
le to persone 'e mandave tante lûs ;
ogni clap un to sudôr
in ogni fresure si sintive le to vôs
e di che cjase ch'o soi nassude
e a scuele 'o soi lade
e passade , jò cun Berto , che arcade
in che dì ch'o soi sposade ;
duc' ricuars di zoventût
che mi tèn tant stret tal cûr .
E vué sares contente
che su le puarte di che cjase
une epigrafe in to memorie :
- Une mari gjenerose
un orgoglio pai sôi fîs
e pa int di chest paîs
silenziose tant tu âs dât
in perenne to memorie
tant amôr al è par te ,
mame .
|
