Un
ricordo di guerra vero con persone vissute a me vicino e mai
dimenticate .
MANZANO
Le me lidrìe jè di
Manzan
Jò là 'o soi nasude
in tun borg tant bîel poiât
fra doi paîs e un bîel prât .
A doi pas da feruvie
e pasave lé le roe
le cjasutis ragrupadès
nô e aren come fradis .
Lè mio pari masinave
e Vigi si clamave
duc' in cjase aren in tredis .
Lè di front stà Pio Gras
ancje lui tre frus e veve
dungje lui Agnul Concul
cun doi frus e une frutute .
Lè di flanc 'e are Cogoi
Angjeline e Marie
el fé soldât
no di lui si sintive
che fascest el 'are lât
a fa guere in Jugoslavie
e so màri vevin visitât
che in tun cine e l'é saltat
e lu devin par spiardût .
Dopo 'e are Annute
Godeasse cul fè e le gnezute
e tacâs e aren doi nonos
Vigi e Emme
nò j disevin i Sarens
cun lôr e viveve Brune
j volevin ben come a une fie
ma e are sole une gnezute .
Jé un sclopon e are
diventade
di un partesàn innamorade .
E dût l'é , e l'are
bîel e are pâs
se le guere no fos stade
I aparechios e butavin bombes
e svolavin in picchiade
dût in tor e tempestavin
mai une cjase e jé colade
lor smiravin le ferade e 'l puìnt che dongje pasave .
O ce pore , ce terôr
a sinté dût chel rumôr
e duc' in tal rifugjio intasâs
a preà che sede pâs .
Ma sinten terrorizâs
che a Manzan le SS e jè pasade ,
e i sospies in pereson ju partave
e lè ju turturave .
|
Ancje Toan lu àn cjapât
e sul puest dongje so màri
cun tune gjambe di cadrèe
lôr i dês j àn crevât .
Jò di nasquindon 'o
sintivi
platade in tun cjantòn
Lôr ai frus no j contavin
el terrôr che lôr passavin .
Ancje Brune a Gurise
in pereson le àn partade
el nono e vaive
ancje jé le àn torturade
no les ongules j vevin gjavât
ma quant che le àn interogade
quatri paches e à cjapât
ma no à tradit o cjacarât
e in Germanie le àn mandade
e par devant di no jé e jè pasade .
E dûc nò lè da ferade
a spietà chel treno che in Germanie le partave .
Finalmente di lontan lu
vioden rivà
za sul puìnt lui è frenave
e chel sun che lui mandave
a dûc el cûr 'e inglazave .
Carrarmatos sul devant e
sul daûr
e in pins tanc' soldâs
fin ai dinc' lôr armâs .
In tal miez e aren cinc
cjars
che les besties si partave
e lè le ent intasade
clamave aiùt e saludave
par chel pizul barcunot
dôt peat cun le fereade
duc' les mans e tiravin fur .
Le vôs di Vigi disperade
Brune , Brune dulà setô
Mandi nono no ti viôt plui
fati fuarze fati coragjo
se no tu tornes
ancje el nono e mûr
Vigi le man e veve slungiade
par strenze le man di Brune
e un soldat cul fusil
dentre le à sburtade
e une vôs ormai lontane
si , nono o tornarai .
E chel nono inzenoglât
o Signôr Signôr pietât
dût un brivit tal so cuarp
tantes lagrimes dai vôi colavin
e in tal prat lôr e brilavin .
Lui di lè no si moveve
Pio e Agnul a cjase lu àn strisinât .
Par tanc' ains che vision mi à tormentade
jo' o viodevi chel vagon
ches mans blancis disperadis
che zirivin libertât .
Se , Brune di Auschwitz e
jé tornade
in tun braz le àn marcade
e chel numar fin la muart lu à puartât
E ze che jè e á contât , e pasât
l' é difizil imaginà in tal omp tante crudeltât .
'O ai scrit che puisie ca
el 8 Genar 1985
Gromico e Schulz a Ginevre
e cjacarin di disarmo nucleâr
se cumò e ven le guere
no si rive a dé pietât
che el mont e l' é za disfât .
|
