Links Brasile
Links Italia |
Les mês mans
Les mês mans é àn
cinquant'ains .
Uè , tal sorêli les ài cjaladis :
é son vieris , maltratadis
e di cai son contornadis .
Spopeadis , cu les ungulis sclapadis ,
oh ce tant che an lavorât !
É àn cusît e cusinât ,
pins e vîz é àn plantât ,
mûrs e puartis é àn piturât .
Les mês mans é son di
fiâr !
Tignut dûr , no àn mai molât :
é àn gucjât e ancje filât ;
tantis cjadreis é àn cjesût
e le vacje é àn molzût ,
e i lens é àn tajât .
Tantis feridis é àn medeât !
Quant che il fûc nus' à distrut
dut chel che iln vinc' ains o' vin lavorât
o' ài dite :
Sù Berto , sù coragjo che les mans no nus àn tajât !
|
Les mês mans di pôre é
àn tremât ,
di dolôr é aren fredis ,
di amôr é aren cjaldis ,
frescjs par calmâ il dolôr di duc' .
Sîs musutis é àn lavadis .
Les mês mans , tant
disperadis ,
cu les tôs , Berto , incrosadis fin
a l'ultin tò respîr , ti àn simpri sostignût .
Les mês mans no àn
robât ,
les mês , mans no àn copât ,
les mês mans é àn lavorât pal Friûl e pal talian
Cun l'anel incoronadis
i onesc' les àn stimadis ;
Su les mês mans , le me vite e jè piturade :
une vite di furlane !
|
