Links Brasile
Links Italia |
Il gnò Jet
No di scùs ,no di plume
ma di lane preseade
cu le coltre a rosutis
lui pareve un biel prât ,
lè ài concepît e parturît ,
il gnò cuarp e l'à riposât
lui no si è mai lamentât
sol di zonvin el zigulave
e di vecjo el sapuartave .
Lì 'o vin preât e suplicât
ancje il mont 'o vin criticât
e a duc' j vin perdonât .
Lui no nus à mai tradît
e nol à mai spiât
dut ce che lì 'o vin contât .
Cuant che jò mi rabiavi
e le muse a Berto j voltavi
'o sintivi , mi tucave e mi diseve :
« no cul cuarp tu sês rabiade » .
E cussì jò mi giravi
e il gnò cûr el perdonave ,
ancje lui si consolave
e planc a planc nus dondolave .
|
Il plui biel e l'è di fieste ,
o ce biele che covade !
sedis pîs lì zujavin e si scjaldavin ,
i cussins lì si tirave
si contave veretâs
che flabis semeavin ;
si rideve e si cjantave
cualchidun si confessave .
Jò a Berto j disevi :
« Ca no si stà , bisugne fermâ
se no il jet el cracarà » .
Par tanc' angns il jet vedeve
che il cafè lì si beveve ,
il cjâf Berto mi carezzave
jò le muse i bussavi ,
scomenzave le zornade .
Ma in chel jet no si
rideve
sun che jet si gemeve
si preave e suplicave .
Fin che une dì
une cove frede 'e jè restade .
Jò ta chel jet no vuei plui lâ
no si à plui nje di spartê o consolâ
ma mi tocje riposâ .
O Signôr , miege anime 'e
jè restade
daimi le fuarze pe zornade
ch'e podedi scomenzâ .
|
