|
Links Brasile
Links Italia
|
Dolôr
Vuè al è un dì di
puisie
e l'è cjalt e duc' é son vie
jè le cjase silenziose
In te cjamare jò 'o voi
a viargi chel armâr
Sche lis robis di berto 'o ài pojât .
Al è passat plui di un an
les mês mans 'e an tramât
il gnò cûr el sufrive tant
l'armâr no lu ài mai viart .
E cul cûr che mi bat fuart
o viarz plancut plancut le puarte ,
il vistît maron e l'è picjât
lu cjapi , lu carezzi
e lu poi dongje dal gnò cuarp .
Il pensiar dolorôs
che ti ài puartât in ospedâl
'o savevi chel brut mâl
no ti veve perdonât ,
le sperance e 'are lade
e le muart frede e blancje
'e spietave lì te stanze
che di cjase tu partivis
e plui no tu tornavis .
Il gnò cjaf e lavorave
e preave il Signôr :
fâs che no mi colin lagrimis dai vôi
fâs che lis mans no mi tramin
che no si ingropi il gnò cûr .
|
O savevi che in chel
moment
lui , ancje se pative e l'are content
'o cognossevi ogni part dal so cûr .
A braceto lu ài cjapât
sameave che a spass 'o fossin lâs
dome vinc' dîs e l'è durât .
cu les lagrimis tai vôi
lu carezzi su les spalis
un cjaveli si è alzât
su le man , come une plume
lisermenti si è pojât .
- O berto di lassù
tu âs sintût il gnò dolôr
cusì fuart che il cûr mi à tajât .
E sul jet mi soi butade
a vaî disperade .
Dome chei mi capiran
che come me é àn passât
e no son preparâz
al distac e a la muart ,
Le femine
|
