El miò bosc 

El bosc di Gramoan l'è poât in
ta culine
l'è si slungjie e cul Judrii e
cunfine
plui in là le Jugoslavie

Une strade abbandonade 
lui lu tae fin-tai pîs ,
el mio' bosc lu àn torturât ,
lu àn scurtât e tajât
su di un flanc àn fate vigne
su une spàle disboscàt .

Là tai pîs le forestâl
'à fât parco regionâl ,
che dûc puedin ammirâ
chèl che Dio e l'à creat ;

Vué e l'è un dì di primevere
in tùn troj jò cjaminavi
là son rôj meraveôs ,
i ramas in alt lassù , 
si incrosin cui rais dal sòreli .

Sun tune fuee une gote di rosade
une paveé a si beave
Sclipignâdis di colôr son les 
primulis e les violis
e a places bielis grandîs
son rosutis di chê blancs
che un profum intòr spandevin .

In tal bosc el cûc cjantave
le cjarande come un mâr ere
sfluride .
son les moris , el biancospino ,
el guargnâl , el sâut .
Le sterezade fragulis e cajs .

Cjaminavi silenziose
jò amiri ché bielece
e i rumôrs 'ò stoi a scoltà
e lontan jò 'o viôt el cjavriûl a
pascolà
Pôc prin el jéur di buride mi à
pasât
Jò 'o levi a rusculins di fà in salate pâr mangjâ
e metevi in tai gêi , glaudins , rustizons
gramputis di urtîs ramûs di mente
Puare me mari mi à insegnât
tantes plantis a cognosi
Lôr àn dûtis les virtûs .
Ma pâr me è son golôs duc' i
foncs di mil colôrs
quanche jò cjati une covade jò
mi sint emozionade

In tal cûr un grant suspîr
el profomp lu sent tal nâs
jò mi sinti fortunade
a jessi lì in che' zornade
el mio cûr e l'è bessôl ,
dût chel biêl , dûte che pâs
ti soleve da soferenze a sintì ché
primevere
cu le schene mi soi poiade
su di un tronc di svisulâr
plùi in là un cjastenâr
e l'è pur un siarbolâr .
Là in bas come un nûl blanc
son les acàcies ben fluridis
e les às a supà e fa bon mel

Là son riulus di aghis frecjs 
e rosutis di ogni sorte
come bielis paveutis'
dût in tôr è son poiadis .
Ancje sêt mi à vignût
'o ài crevât un barzût
le par ben lu ài supât
e le sêt mi à pasât .
In tal viârt 'o soi rivade 
dongje Spesse , sôt le mont e l'è
Cividâl
el Matajur come un floc e l'è
poiât
sun che ponte di citât
Le me cjase là in alt e jé mitude
e samèe une colombe lè covade .
Jò di cjase 'o viôt dut intôr el miò
Friûl
dai mons fin tal mâr
le stagions a cambiâ
e le sere bîei tramonts
el soreli a jevà
E le sere un grant splendôr
dût intôr illuminât .
O Signôr fâs che ne l'omp , ne le
guere lu distrugi
e tâl bosc e torni simpri primevere .

---

Introduzione | Presentazione |1983 In un giorno qualsiasi | Dolôr | Il gnò Jet | Les mês mans |El destìn di un incuintri | Le me cjase | Firenze | Confuart | L' Angelo dell'Amore | III° Anniversario della tua morte Berto | Leonardo fas doi ains | Irene | Me Mari Gjenoefe | El miò bosc | La Cjassadorie | MANZANO | El mes di mài | Mai 1985 | El mio pais Manzan | A Valter | Li lagrimis | A Irme | Une biele primavere Patrizia | Malincunie | Riflessions | A Dino